Волна SALE – онлайн мейдандыр, бу мейданда «Волна» операторынынъ абунеджилери дакъкъалар, гигабайтлар ве SMS-лерни сатын ала биле я да сата биле.
Дакъкъалар, гигабайтлар я да SMS-лер иле лотларны абунеджилер озьлери япа, Волна мобайл операторы исе эр бир муштери трафик боюнджа сатын алгъан пакетлерни аладжагъыны, сатыджынынъ балансына исе сатув ичюн пара келеджегини незарет эте.
Насыл къулланмакъ
Лотны сатмакъ
Лотны сатмакъ макъсадынен оны Волна SALE мейданында ерлештирмек ве уйгъун трафикнинъ чешитини сечмек керек – дакъкъалар, гигабайтлар я да SMS, сонъра исе Ерлештирмек ишаретини сечмели
Бундан сонъ сатыладжакъ лотнынъ колемини сечмек ве онынъ фиятыны къоймакъ. Минималь фиятлар ве шартлар Волна SALE шартларына коре бельгилене
Лотны ерлештирген сонъ тарифке коре эсабынъызда олгъан дакъкъалар пакети, гигабайтлар ве SMS-лер лотнынъ колемине коре эксилир
Сатыджынынъ бонус балансына кельген мукяфаттан сатын алув-сатув ичюн % комиссия алына
Лотны сатын алмакъ
Волна SALE мейданында сизни меракъландыргъан болюкни тапынъыз – дакъкъалар, гигабайтлар я да SMS
Меракъландыргъан номинал, чешит, трафикнинъ колеми ве келишкен фиятнен лотны тапынъыз
«Сатын алмакъ» ишаретини сечкен сонъ баланстан я да абунеджининъ бонусларындан пара алына
Эсабынъызда олгъан дакъкъалар пакети, гигабайтлар ве SMS-лер лотнынъ колемине коре арта
Сатын алынгъан дакъкъалар, гигабайтлар ве SMS-лерни насыл идаре этмек
Сатын алынгъан дакъкъалар пакети, гигабайтлар ве SMS-лерни Волна SALE сайтында идаре этмек мумкюн, мында сатын алынгъан дакъкъалар, гигабайтлар ве SMS-лернинъ къалгъанларыны бильмек ве оларнынъ чалышаджакъ муддетини огренмек мумкюн. Ерлештирильген лотнынъ фиятыны денъиштирмек мумкюн. Бундан да гъайры, «Меним лотларым» болюгинде оларны асыл да сатылувдан ала билесинъиз.
Суаллер ве джеваплар
Лотларны сатын алув ве сатув операциясы недир?
Волна SALE платформасында сатын алув ве сатув операциясы – саткъан абунеджиде къалгъан хызметлернинъ бонус рублелерине денъиштирювдир, бонус рублелерини Оператор такъдим эте. Абунеджи-алыджы хызметлерни пара балансындан я да бонус рублелери иле сатыджы къойгъан фиятынен сатын ала биле.
Оператор берген бонус рублелерини дигер абунеджилерге ёлламакъ мумкюнми?
Оператор берген бонус рублелерини дигер абунеджилерге ёлламакъ мумкюнми? Оператор берген бонус рублелерини дигер абунеджилерге эр анги усулнен бермек имкянсыздыр.
Волна SALE мейданында кечирильген операциялар ичюн комиссия алынамы?
Оператор, алыш-вериш процессининъ тешкилятчысы оларакъ, сатыджыдан % ала биле. Лот япылгъанда абунеджи-сатыджы алынаджакъ комиссиянынъ колемини коре, алыджыгъа косьтерильген фиятта исе исе артыкъ комиссия кирсетильген.
Сатылувгъа чыкъарылгъан лотны насыл муддет девамында сатмакъ мумкюн?
Бу вакъыт сатыджынынъ девринен багълы. Яни лот Волна SALE лотларына чыкъарылгъанындан башлап, эсап вакъты кельгенине къадар (тариф боюнджа абуне парасы кирсетильгенине къадар).
Сатын алынгъан лотнен насыл муддет девамында къулланмакъ мумкюн?
Бу вакъыт абунеджи-алыджынынъ эсабат девринен багълы. Яни Волна SALE сайтында лотны алгъанындан башлап, невбеттеки эсабат деврине къадар (тариф боюнджа абуне парасы кирсетильгенине къадар).
Эгер абунеджи-сатыджы лотнынъ сатылувыны лягъу этсе, трафик пакетинен не ола?
Бойле вазиетлерде иштиракчиге лот боюнджа ерлештирген трафик пакети къайтарыла.
Эгер тариф боюнджа абуне парасы даа къоюлмаса, лотны сатын алмакъ мумкюнми?
Пакетни сатын алмакъ я да сатмакъ тек абуне парасы тёленильген олса, мумкюндир.
Лотларны сатмакъ я да сатын алмакъ насыл вазиетлерде имкянсыз?
Лотларны невбеттеки вазиетлерде сатмакъ я да сатын алмакъ имкянсыз: эгер абуне парасы тёленильмеген олса; абунеджи альтернатив профильде олса;
Тариф деври кечкен сонъ сатылувгъа къоюлгъан лотнен не олур?
Бойле вазиетлерде ерлештирильген, амма сатылмагъан лот ёкъ этиле.
Тариф денъиштирильгенде сатылувгъа къоюлгъан лот не ола?
Ерлештирильген, амма сатылмагъан лот, тариф денъиштирильсе, ёкъ ола.
Трафикнинъ сатылувы ве сатын алынувы акъкъында малюмат не ерде ерлештириле?
Малюмат тавсилятларда, абунеджининъ эсабатында, шахсий одада, операторгъа мураджаат эткенде корюне. Малюмат эм алыджыда, эм де сатыджыда акс этиле.
Лотны эр анги трафикнен сатын алмакъ мумкюнми?
Трафикни тек тариф планынынъ чешитлери ве оларда сатыла бильген трафикнинъ чешитлери хызмети чалышкъан тариф планларында сатын алмакъ мумкюн. Бу хызмет оператор тарафындан сазлана ве Волна SALE мейданында ерлештириле.
Лотны сатын алгъан абунеджи сатын алгъан пакетни лягъу эте билеми?
Бойле имкян ёкъ.
Къулланылмагъан интернет пакетлерининъ къалгъанлары келеджек айгъа кечирилеми?
Сатын алынгъан ве къулланылмагъан пакетлернинъ къалгъанлары келеджек айларгъа кечирильмей я да абунеджининъ тариф планынынъ къаиделерине коре кечириле.
Бир лотнынъ ичинде олгъан дакъкъалар, гигабайтлар ве SMS-пакети насыл къаиделер иле сазлана?
Лот минималь адымнен ерлештириле биле: гигабайтлардан, 1 гигабайт адымы иле, дакъкъаларда – 1 дакъкъа адымы иле, SMS-лерде – 1 SMS.
Сатын алынгъан лотны гъайрыдан сатмакъ мумкюнми?
Э, бойле имкян бар.
Бир лот ичюн минималь ве максималь фият бармы?
Оператор, незаретчи оларакъ, лотларнынъ минималь ве максималь фиятларыны бельгилей. Абунеджи лотнынъ фиятыны озю къоя биле, амма фият тек оператор къойгъан фиятнынъ дживарында ола биле: «ГБ ичюн минималь фият» <= пакетнинъ фияты (1ГБ ичюн) <= «ГБ ичюн макс фияты».
Волна SALE трафигинде сатын алынгъан трафикни багъышламакъ я да берабер къулланмакъ мумкюнми?
Волна SALE-де сатын алынгъан трафикни не багъышламакъ, не де дигер абунеджилернен пайлашмакъ мумкюн.
Сатын алынгъан лотнынъ чалышкъан муддети насыл?
Лотнынъ чалышкъан муддети – невбеттеки абуне парасы алынгъанына къадар. Абунеджи невбетнен бир къач лотны сатын ала биле.
Сатын алынгъан пакетни лягъу этмек мумкюнми?
Сатын алынгъан лотны лягъу этмек имкянсыз, о алыджынынъ эсабында олгъан баланснен бирлештириле.
Сатын алынгъан пакет насыл къаиделер боюнджа масраф этиле?
Сатын алынгъан пакет алыджынынъ тариф планында олгъан къаиделерге коре масраф этиле.
Лотларны кредитке алмакъ я да келеджек сатын алынувгъа къадар сакъламакъ мумкюнми?
Лотларны кредитке алмакъ, келеджек сатын алынувгъа къадар сакъламакъ я да хызметлер пакетинен пайлашмакъ имкянсыз.
Тариф денъишкенде сатын алынгъан пакетлернен не оладжакъ?
Тариф планы денъиштирильгенде сатын алынгъан лот сакъланылмай, хызметлер пакетини абунеджининъ тариф планынынъ къаиделерине коре авуштырмакъ мумкюн.
Тариф ичюн абуне парасы алынгъанда, абунеджининъ эсабында пара етерли олмаса, сатын алынгъан пакетлер насыл чалышаджакъ?
Эсапкъа пара къоюлмагъанына къадар ве тариф ичюн пара алынмагъанына къадар хызметлер чалышмай.
Бир абунеджи не къадар лотларны ерлештире биле?
Оператор бир абунеджи тарафындан ерлештирильген лотларнынъ сайысыны сынъырлай биле.
Ичтимаий агълар ве мессенджерлерни къуллангъанда гигабайтлар иле лот масраф этилеми?
Эгер тариф планында сынъырсыз ичтимаий агълар я да мессенджерлер олса, тариф планы масраф этильмей.
Сатын алынгъан пакетлерни Wi-Fi вастасынен тертибаттаки модем режими иле пайлашмакъ мумкюнми?
Эбет, сатын алынгъан интернет пакетини Wi-Fi вастасынен тертибаттаки модем режиминен пайлашмакъ мумкюн.
Абунеджилернинъ бириси алыш-веришни лягъу эте билеми?
Алыш-веришни лягъу этмек имкянсыздыр.
Бир лота бирден эки хызметни сатмакъ мумкюнми? Мисаль оларакъ, дакъкъалар ве гигабайтлар?
Бир лота трафикнинъ эки чешитини сатмакъ имкянсыздыр.
Лотнынъ сатылувыны лягъу эткенде комиссия алынамы?
Бойле операция ичюн комиссия алынмай.