Сыкъ берильген суаллер

Question 1

Интернетни насыл сазламакъ?

Answer

Android ичюн APN сазламаларына къошулув нокъталары:

Телефоннынъ сазламаларындан кирип, «Даа» я да «Дигер агълар», бундан сонъ «Мобиль агълары», сонъра «Къошулув нокътасы (APN)» я да саде «APN» кирип, «Янъы къошулув нокътасыны япмакъ».

Базы тертибатлар ичюн: «Сазламалар» -> «SIM-картлар ве мобиль агълары» -> Volna mobile сим-картыны сечмек -> «Къошулув нокъталары (APN)» -«+ Янъы къошулув нокътасы».
Къошулув нокътасы иле пейда олгъан пенджереге невбеттеки малюматны язмакъ керек:

Ады: internet
Къошулув нокътасы (APN): internet
Къулланыджынынъ ады: internet
Пароль: internet
Аутентификация чешити (багънынъ тешкерюв чешити): PAP/ CHAP
APN чешити: default (тек сечимни япмакъ теклифи иле пейда олгъан пенджерелер пейда олса, языла). Эгер къол режими иле толдурмакъ теклифинен клавиатура ачылса, сатырны бош къалдыра билесинъиз.

«Багъланув нокътасыны сакъламакъ» басынъыз. Кечкен менюда худжресель (сотовые) малюматларны къошунъыз, эгер бундан сонъ интернет бирден чалышып башламаса, гаджетни текрар юклемек я да 10 саниеге къадар учуш режимини къоймакъ тевсие этемиз.

IOS ичюн APN багъланув нокътасынынъ сазламалары:

Телефоннынъ сазламаларында «Худжресель багъы» -> «Малюматнынъ ёлланылмасы ичюн худжресель багъы» сатырында «Худжресель малюматлары», «LTE сазламалары» ве «Модем режими» нокъталарында невбеттеки малюматларны язмакъ керек:

APN: internet
Къулланыджынынъ ады: internet
Пароль: internet

Question 2

Телефонда модем режимини насыл чалыштырмакъ мумкюн?

Answer

Телефонда модем режимини насыл чалыштырмакъ мумкюн?

Телефонда модем режимини къайтармакъ ичюн невбеттеки адымларны япмакъ керек:

Телефон сазламаларыны ачмакъ;
бундан сонъ «худжресель багъы» нокътасына кирмек;
«Малюматларнынъ ёлланылувы ичюн худжресель багъы»;
Ашагъыдаки саифени ачып, «Модем режими» нокътасында APN: internet, къулланыджынынъ ады: internet, пароль: internet язмакъ керек.

Бундан сонъ модем режими эвельки ерге къайтып, кене ачыкъ оладжакъ.

Question 3

USB-модеминде интернетни насыл сазламакъ мумкюн?

Answer

USB-модемининъ (ич бир операторгъа багълы олмагъан GSM/UMTS стандарты) ярдымы иле интернетке багъланмакъ ичюн Волна мобайл SIM-картларыны къошкъан сонъ, модемнинъ чалыштырув илявесинде янъы интернет-профилини ачып, невбеттеки малюматларны кирсетмек керек - ады: internet, иришюв нокътасы (APN): internet, номера, къулланыджынынъ ады (логин) ве пароль сатырларыны бош къалдырмалы.

Базылары ичюн (бильхасса – эски моделлер) 99***1# я да *99# номераны кирсетмек керек.

Бундан сонъ профильни сакъламакъ ве оны автоматик оларакъ кирсетмек керек.

Question 4

SMS-меркезини насыл сазламакъ мумкюн?

Answer

Мессаджлар» илявесинде сазламаларгъа кирмек ве «SMS-меркези» нокътасыны сечмек.

Базы Android сазламарында исе

Сазламалар – Систем илявелери – Мессаджлар – Кенълештирильген сазламалар –SMS-меркезининъ номерасы +79785551111

IPhone гаджетлеринде:

SMS-меркезининъ номерасыны тешкермек ичюн невбеттеки комбинацияны кирсетмек керек: *#5005*7672#

SMS-меркезининъ номерасыны бельгилемек ичюн невбеттеки комбинацияны кирсетмек керек: *5005*7672*+79785551111#

Question 5

Акъыллы саатларны насыл сазламакъ мумкюн?

Answer

Сазламалар иле мессаджны ёлламакъ керек (саатлардаки номерагъа): pw,123456,apn,internet# (пробелсиз). Бундан сонъ телефонынъызгъа джевап оларакъ SMS кельгенде, саатларны текрар юклемек керек.

Текрар юкленювден сонъ саатларнынъ экранында «E» арифи ве онынъ янында ерлешкен ишаретлер пейда олмалы. Бу интернет чалышкъаныны косьтере. Сазламалар гаджетнинъ чешитине коре фаркъ этмеси мумкюн. Тавсилятлы малюматны алмакъ ичюн саатларнынъ истисал этиджи хызметине мураджаат этмеге теклиф этемиз.

Question 6

«Код сёзюни» насыл къоймакъ мумкюн?

Answer

Бу Контакт меркезинде Сизинъ шахсий хызмет паролинъиздир, 555 номерасы боюнджа (тек Волна мобайл номераларындан), шеэр телефонларындан я да дигер хюджресель операторларнынъ номераларындан 8-800-505-0387 (телефон этмек бедава). Код сёзю паспорт малюматларынынъ ерине къулланыла биле. SIM-картнынъ саиби оны Волна мобайлнынъ Хызмет ве сатув меркезлеринде ариза язып, япа биле (янында паспорт олмалы).

Question 7

Къырымнынъ стационар номерасына насыл догъру телефон этмек мумкюн?

Answer

Волна мобайл стационар номерасындан догъру телефон этмек ичюн: +7 – (шеэрнинъ коду) – (телефон номерасы).

Мисаль оларакъ, Акъмесджиттен: +7 – 3652 (хxx-xxx), мында 3652 – Акъмесджит шеэрининъ коду, я да 8 – (шеэрнинъ коду) – (телефон номерасы): 8 – 3652 (хxx-xxx), мында 3652 – Акъмесджит шеэрининъ коду.

Question 8

Меним адыма насыл номералар ресмийлештирильген?

Answer

Сизинъ адынъызгъа насыл номералар ресмийлештирильгенини тешкермек ичюн, Шахсий одада «Дестек» болюгинде кери бильдирим формасыны толдурмакъ керек.

Question 9

Не ерде келишкен ольчюде Волна мобайл SIM-картыны ала билем (micro, nano)?

Answer

Волна мобайл SIM-картыны керекли ольчюге къадар (micro/nano) Волна мобайлнынъ эр бир Хызмет ве сатув меркезлеринде япмакъ мумкюн. Салонларнынъ адреслеринен «Салонлар харитасы» болюгинде таныш олмакъ мумкюн.

Question 10

Не ерде SIM-картны тюзетмек/денъиштирмек мумкюн?

Answer

SIM-картны тюзетмек/денъиштирмек ичюн, номеранынъ саиби Волна мобайл Хызмет ве сатув меркезлерининъ бирисине мураджаат эте биле. SIM-картны денъиштирмек бедавадыр.

Question 11

SIM-картны вакъытынджа насыл блок этмек мумкюн (эгер джоюлса)?

Answer

SIM-картны вакъытынджа блок этилювининъ бир къач усуллары бар:

1) 555 номерасы боюнджа контакт меркези иле багъланмакъ (тек Волна мобайл номераларындан) я да шеэр телефонларындан я да дигер хюджресель операторларнынъ номераларындан 8-800-505-0387 номерасы боюнджа (телефон этмек бедава), идентификация процедурасы кечкен сонъ, номераны вакъытынджа блок этмек мумкюн;

2) Номеранынъ саиби энъ якъын ерлешкен Волна мобайлнынъ Хызмет ве сатув меркезине мураджаат этмели. Хызмет бедава такъдим этиле.

Question 12

Не ерде номерамны дигер инсангъа гъайрыдан ресмийлештире билем?

Answer

Шахыслар номеранынъ саибини денъиштирмек ичюн Волна мобайл Хызмет ве сатув меркезине мураджаат этмели. Шимдики ве келеджек саип номеранынъ гъайрыдан ресмийлештирилювинде иштирак этмели. Шимдики саипнинъ янында паспорт олмалы (номера онынъ адына ресмийлештирильгени шарты иле).

Келеджек саипнинъ янында да паспорт олмалы. Саипнинъ денъиштирилюви хызмети паралы. Фияты 100 р.

Question 13

Озь тариф планыны насыл бильмек мумкюн?

Answer

Тариф планынъызны учь усулнен бильмек мумкюн:

*201# командасына телефон этмек;
volnamobile.ru сайтында Шахсий оданен къулланмакъ;
невбеттеки номералар боюнджа: 555 (тек Волна мобайл номераларындан) я да 8-800-505-0387 (шеэр телефонларындан я да дигер хюджресель операторларнынъ номераларындан (телефон этмек бедава).

Question 14

Озь номеранъны насыл бильмек мумкюн?

Answer

Озь номеранъызны невбеттеки усулларнен огрене билесинъиз:

*200# командасына телефон этмек (телефон этмек бедава);
Волна мобайл Хызмет ве сатув меркезине паспорт иле мураджаат этмек (номера сатын алынгъанда. сизнинъ адынъызгъа ресмийлештирильгени шарты иле);
volnamobile.ru сайтында Шахсий оданен къулланмакъ.

Question 15

SIM-карт багъда артыкъ къайд олунмаса, не япмалы?

Answer

Эгер SIM-карт артыкъ багъда къайд олунмаса, тертибатны гъайрыдан юклемек керек (сёндюрмек ве къошмакъ).

Бу процедурадан сонъ багъ автоматик шекильде тапылмаса, тертибатнынъ сазламаларында «операторнынъ къол къыдырувы»ны къойып, Volna я да 25060 багъыны сечмек керек.
Юкъарыда анъылгъан адымлардан сонъ SIM-карт багъны тапмаса, SIM-картны дигер телефон аппаратында тешкермек керек. Эгер проблем чезильмесе, SIM-картны Волна Мобайл Хызмет ве сатув меркезинде денъиштирмек керек.

Question 16

Эгер менде кирген/чыкъкъан телефон багълары чалышмаса, не япмалы?

Answer

Багълангъан хызметлерни тешкеринъиз: *302# (Кирген телефон багъларыны идаре этюв) ве «багъланмакъ» дёгмесини сечинъиз. Чыкъкъан телефон багъларыны сечмек ичюн телефонынъыздан *301# командасына телефон этмек ве «багъланмакъ» дёгмесини сечмек керек. Юкъарыда анъылгъан адымлар ярдым этмесе, Волна мобайлнынъ дестегине мураджаат этинъиз.

Question 17

Эгер мен аля даа къайд олунмагъан абунеджи олсам, не япмалы?

Answer

Эгер сизде SIM-картнынъ денъиштирилюви/гъайрыдан тикленилюви, киби меселелер пейда олса, я да сизге оператордан бир-де-бир малиевий малюмат керек олса, амма номера аля даа сизинъ паспорт малюматларынъыз боюнджа къайд олунмаса, Волна мобайл Хызмет ве сатув меркезине мураджаат этинъиз, янынъызда невбеттеки весикъалар олмалы:

регистрацион шекилининъ копиясы (номера ресмийлештирильгенде, сатыджы бере);
SIM-картнынъ пластик тутуджысы (шарт дегиль);
сизнинъ паспортынъыз (номера сизнинъ адынъызгъа ресмийлештирильгени шарты иле).

Question 18

Тарифнинъ къалгъанларыны насыл бакъмакъ мумкюн?

Answer

Гаджетинъизде трафикнинъ къалгъанларыны бильмек ичюн *101# номерасына телефон ачмакъ керек.

Question 19

Интернет чалышмаса, не япмалы?

Answer

SIM-карт янъы олса. Эгер Волна мобайл абоненти олгъан сонъ, SIM-картны гаджетке къойгъанынъызнен, сиз интернетке автоматик шекильде багъланмагъанынъызны корьсенъиз (бу арада керек олгъан интернет-опциялары я да тариф чалыштырылса), интернетке къошулув нокътасыны сазламакъ керек. Къошулув нокътасы акъкъында тавсилятлыджа «Интернетни насыл сазламакъ?» суалинде окъумакъ мумкюн.
Эгер эвель чалышкъан SIM-карт олса, балансны тешкеринъиз: бельки, балансынъызда олгъан паралар интернетке къошулмакъ ичюн етерли дегиль. Балансны толдургъан сонъ ве паралар сизнинъ эсабынъызгъа кельгенде эмин олгъанынъызнен, тертибатны гъайрыдан юклемек керек (сёндюрмек ве чалыштыртмакъ). Эгер сиз Волна мобайл SIM-картыны къулланмагъа башласанъыз, процедура SIM-карттан фаркъ этмей.
Сизнинъ SIM-картынъыз бозулмасы да мумкюн. SIM-картнынъ денъиштирилюви акъкъында малюматны «Хызметлер» болюгинде огренмек мумкюн.

Question 20

Интернет малюматларынынъ ёлланылув/къабул этилювининъ сурьаты насыл?

Answer

2G багъында малюматларнынъ ёлланылув/къабул этилювининъ сурьаты 236,8 Кбит/саниеде къадар, 4G LTE багъында - до 20 Мбит/саниеде.

Амма багънынъ керчек дереджеси ве малюматларнынъ ёлланылув/къабул этилювининъ сурьаты табиат рельефининъ хусусиетлери, шеэр рельефи, метеорологик шараитлери, абонент гаджетининъ хусусиетлеринен ве бу районда ерлешкен къулланыджыларнынъ сайысынен багълы.

Question 21

Къыта операторларынынъ багъында SIM-картны тез ресмийлештирмек ичюн не япмалы?

Answer

SIM-картны къытада мусафир багъларында я да къыта операторларынынъ Волна мобайл багъында къайд этилюви акъкъында тариф этемиз.

Багъ ве абунеджининъ телефоны 6-7 сание ичинде бир-бирини корьмеге башлай, амма телефоннынъ къайд этилюви муддети 10 дакъкъагъа къадар вакъытны ала биле. Бойле девамлы къайд олунув мусафир багълары ичюн стандарт муддеттир, абунеджи бир региондан дигер регионгъа кечкенде, озь операторнынъ багъында къайд олунувы процедурасындан фаркъ эте.

Абунеджи къытагъа я да Къырымгъа кельген сонъ мобиль операторнынъ багъында къайд олунмакъ ичюн, бир къач процесс башлана. Бу процесслернинъ тешеббюсчиси – абунеджининъ телефоныдыр ве багъланувгъа бир къач фактор тесир эте. Биринджиден, бу телефонда къоюлгъан къайд олунувнынъ чешити – автоматик я да къол режими. Мусафирлер къайд олунувны тезлештирмек ичюн багъны озьлери сече билелер. Невбеттеки фактор – SIM-картнынъ сазламаларында къайд олунмакъ ичюн онджелик багълар акъкъында малюмат. Оператор абунеджилернинъ роумингте къайд олунувыны регулирлей ве оларны мусафир операторлары арасында боле.

Бундан да гъайры, бу мобиль номеранынъ мезкюр больгеде кечкен мувафакъиетли къайд олунмасы тесир эте.

Къайд олунувнынъ сурьатына телефонынъызда олгъан технологиялар тесир эте, яни багъгъа иришюв вариантлары ве конкрет истисалджынынъ сазламалары – багъланув сазламаларына коре фаркъ эте биле. Бойлеликнен, истисалджылар багънынъ къыдырувы ве къайд олунувында терминалларнынъ фаркълы адымларыны кирсете биле. Къайд этмели ки, оларнынъ эписи 3GPP стандартларына уймай. Мисаль оларакъ, iPhone къайд олунув вакътында Apple серверлери иле багъланмагъа тырыша биле (я да мессадж ёлламасы мумкюн).

Тек марка я да тертибатнынъ чыкъкъан йылы дегиль де, тертибатынъызда къоюлгъан программ теминлеви де муимдир. Онынъ ичюн багъда къайд олунувнынъ проблемини программ теминлевининъ денъишмеси иле чезмек мумкюн.

Волна мобайл озь абунеджилерине ве багънынъ мусафирлерине SIM-картнынъ девамлы къайд олунувы боюнджа къасевет этмемек тевсие эте ве чокъча гузель сеяхатлар тилей!

Question 22

Къырымда дигер мобиль операторларнынъ номералары чалышаджакъмы ве насыл тарифлер боюнджа?

Answer

Волна мобайл багъында, Русиенинъ дигер операторларынынъ номералары, миллий роумингте олгъаны киби, тек Волна мобайл ве оператор арасында роуминг хызмети анълашмасы олса, чалышаджакъ.

Тафсилятларны огренмек ичюн операторынъызнынъ абуне хызметине мураджаат этмек керек.

Question 23

Русие боюнджа сеяхатларда Волна мобайл мутехассысы иле насыл багъланмакъ мумкюн?

Answer

Русие боюнджа (дигер операторнынъ багъында) сеяхатларда контакт меркезининъ мутехассысы иле 8-800-505-0387 номерасы боюнджа, Русиенинъ бутюн номераларындан телефон этмек мумкюн (телефон этмек бедава) я да мобиль телефондан +7-978-555-0-555 номерасы боюнджа (багъ операторнынъ шартлары боюнджа).

Question 24

Русие боюнджа сеяхатларда эсапкъа параны насыл къоймакъ мумкюн?

Answer

Русие боюнджа сеяхатларда Волна мобайл эсабына пара къоймакъ ичюн банк картасы иле къулланмагъа тевсие этемиз.

Question 25

Русие боюнджа сеяхатларда номераны насыл кирсетмек керек?

Answer

Русие боюнджа сеяхатларда Волна мобайл номерасынынъ догъру язылувы (Русиенинъ дигер мобиль операторнынъ номерасындан телефон эткенде):

– мобиль номерагъа: +7 – (операторнынъ коду) – (телефон номерасы), мисаль оларакъ, +7 – (978) (55x-xx-xx);

– стационар номерагъа: +7 – (шеэрнинъ коду) – (телефон номерасы), мисаль оларакъ: +7 – (3652) (хxx-xxx), мында 3652 – Акъмесджит шеэрининъ коду.

Question 26

Не ичюн менде Русие боюнджа сеяхатларда багъ/интернет чалышмай?

Answer

Эгер Русие боюнджа сеяхатларда SIM-картынъызда багъ олмаса, тертибатынъызны гъайрыдан юклемек керек (сёндюрмек ве кене къошмакъ). Эгер бу процедурадан сонъ багъ пейда олмаса, мобиль телефонынъызнынъ сазламаларында операторнынъ къол къыдырувыны сечип, шерик операторнынъ багъыны сечмек керек.

Шерик операторнынъ багъында мувафакъиетли къайд олунувдан сонъ интернет аля даа чалышмаса, сазламаларны тешкермек керек (Сыкъ берильген суаллер»/«Интернет»/«Интернетни насыл сазламакъ?» болюгинде тафсилятлыджа окъумакъ мумкюн).

Бундан да гъайры, малюматнынъ ёлланылувы сазламаларында «роумингте малюматларнынъ ёлланылувы» сатырында байрачыкъны къоймакъ керек. Эгер мезкюр операциялардан сонъ интернет чалышмаса, Волна мобайл номераларындан, 555 номерасы боюнджа контакт меркезине мураджаат этмели.

Question 27

Русие боюнджа сеяхатларда мессаджларнынъ фияты не?

Answer

«Моя страна» опциясы иле:

0,00 руб./дакъкъада. (биринджи 30 дакъкъа/куньде) Волна мобайл номераларына;

2,00 руб./дакъкъада Русиенинъ дигер операторларынынъ номераларына.

Эсас шартлар:

10,00 руб./дакъкъада – Русие операторларынынъ номераларына (шу джумледен Волна мобайл);

30,00 руб./дакъкъада – СНГ девлетлери, Абхазия, Гурджистан, Дженюбий Осетия;

50,00 руб./дакъкъада – Авропа операторларынынъ номераларына;

70,00 руб./дакъкъада – дигер халкъара операторларынынъ номераларына.

Question 28

Русие боюнджа сеяхатларда SMS фияты не?

Answer

SMS ичюн 1,00 руб., Русиенинъ бутюн операторларынынъ номераларына (шу джумледен Волна мобайл), «Моя страна» опциясы иле.

SMS ичюн 5,00 руб., халкъара операторларынынъ номераларына (эсас фияты).

Бир мессаджнынъ ичинде латин уруфатынен 160 ишарет ве 70 къадар кирилл уруфатынынъ ишаретлери ола биле. Символларнынъ сайысы мезкюр микъдардан зияде олса, мессадж автоматик шекильде экиге я да ондан чокъ мессаджларгъа болюне.

Question 29

Русие боюнджа сеяхатларда интернет насыл тарифлер боюнджа эсаплана?

Answer

0,45 руб./МБ, «Моя страна» опциясы иле
10 руб./МБ (эсас фияты)

Question 30

Къаплама харитасыны не ерде бакъмакъ мумкюн?

Answer

Волна мобайлнынъ къаплама харитасынынен «Къаплама харитасы» болюгинде таныш олмакъ мумкюн.

Question 31

Волна мобайлнынъ SIM-картыны не ерде сатын алмакъ мумкюн?

Answer

Волна мобайл SIM-картыны Волна мобайлнынъ хызмет ве сатув меркезлерининъ бирисинде сатын алмакъ мумкюн.

Question 32

Волна мобайл операторыны телефон номерасы боюнджа насыл фаркъ этмек мумкюн?

Answer

Волна мобайл операторларынынъ номерасы бойле башлана: +7 (978) 5ХХ-ХХ-ХХ, +7 (978) 6ХХ-ХХ-ХХ, +7 (978) 2ХХ-ХХ-ХХ.

Question 33

Насыл далгъалар къулланыла?

Answer

Волна мобайл операторлары невбеттеки далгъа диапазонында чалыша:

2G (1800 МГц);
3G (2100 МГц);
4G (2600 МГц) LTE FDD band 7 ве 1800 МГц band 3.

Question 34

Дигер оператордан Волна мобайл операторына кечюв

Answer

Дигер оператордан Волна мобайл операторына кечмек ичюн паспорт иле Хызмет ве сатув меркезини зиярет этмек керек. Номеранынъ денъиштирилюви ичюн салонларнынъ джедвелини операторнынъ сайтында «Дестек – Салонлар харитасы» болюгинде корьмек мумкюн.

Дикъкъат! Сизнинъ номеранъыз Къырым я да Краснодар улькесининъ операторларындан бири олмалы.

Question 35

Эсапны толдургъанда номераны янълыш бельгилесем, не япмалы?

Answer

Терминалларда я да одев кассаларында эсапны янълыш толдургъанынъыз заман (номера я да парада) янълыш малюматларны язгъанынъыз заман, янълыш номера Волна операторына аит олса ве сизде одев акъкъында чек сакъланса, параларны къайтармакъ мумкюн.

Буны япмакъ ичюн:

Волна мобайл абонентлернинъ дестек чатына невбеттеки номерагъа язмакъ керек: +79785550555 (Viber, WhatsApp, Telegram), ичтимаий агъларда Волна мобайл группасына (ВКонтакте vk.com/volnamobile) я да электрон почтасына 555@volnamobile.ru. Мураджааткъа чекнинъ скан-копиясыны я да фотосыны иляве оларакъ ёлламакъ ве къайтарув акъкъында аризаны тодурмакъ керектир (багъланты боюнджа юклемек);
Янынъызда ерлешкен Волна мобайл салонынынъ сатув ве хызмет офисине мураджаат этмек ве шахсен аризаны толдурмакъ (озюнъизнен паспортны алмагъа унутманъыз).

Пара мураджаатттан сонъ 6 кунь девамында къайтарылмакъ керек.

Question 36

Масрафлар акъкъында малюматны не ерден ала билем?

Answer

Масрафлар акъкъында малюматны учь усулнен алмакъ мумкюн:

Мобиль илявесининъ шахсий одасында я да сайтта;
Невбеттеки номералар боюнджа: 555 (Волна мобайл мобиль номераларындан) я да 8-800-505-0387 (шеэр телефонларыдан я да дигер мобиль операторларынынъ телефонлары боюнджа, телефон ачмакъ бедава).

Question 37

Эсапны толдурмакъ риджасыны насыл ёлламакъ мумкюн?

Answer

«Эсабымны толдур» хызмети дигер Волна мобайл абонентине сизнинъ эсабынъызны толдурмакъ риджасыны ёлламакъ ярдым эте биле. Бу хызметнен къулланмакъ ичюн телефондан невбеттеки комбинациягъа телефон ачмакъ керек: *104*7978XXXXXXX#арама, 7978XXXXXXX – эсабынъызны толдурмакъ риджасы иле мураджаат эткенинъиз абонетнинъ телефон номерасы.

Question 38

Эсабымда пара битти. Багъда насыл къалайым?

Answer

Эгер эсабынъызда пара битсе:

«Эсабымны толдур» хызмети иле къулланынъыз: мобиль телефонынъыздан невбеттеки комбинацияны аранъыз: 104*7978XXXXXXX#
«Манъа телефон ач» хызметинен къулланынъыз: мобиль телефонынъыздан невббетеки комбинацияны аранъыз: *105*7978ХХХХХХХ#
«Паранынъ ёлланылувы» хызметинен къулланынъыз: буны япмакъ ичюн якъынларынъызгъа эсабынъызны толдурмакъ риджасынен булунып, *103*7978ХХХХХХХ*SUM# командасыны аранъыз.

Question 39

Эсапны толдурмакъ

Answer

Волна мобайл абонентлери эсабыны невбеттеки усулларнен толдура биле:

одев терминаллары;
РНКБ сервислери;
https://volnamobile.ru/pay/ сайтында банк картынен.

QIWI Кошелек боюнджа эсапны толдурмакъ имкянсыздыр. Тавсилятлыджа – одев системасынынъ дестеги болюгинде.

Question 40

Эсапны насыл бакъмакъ мумкюн?

Answer

Эсабынъызны тешкермек ичюн мобиль гаджетинъизде *100# номерасына телефон ачынъыз. Мобиль эсабынъызны мобиль илявеси иле идаре этмек онъайтлыдыр: https://volnamobile.ru/help/mobile-app/ ве шахсий одада https://lk.volnamobile.ru/login.

Question 41

Волна мобайл номерасындан аджеле хызметке насыл телефон ачмакъ мумкюн?

Answer

112 – Аджеле ярдымнынъ умумий номерасы.
101 – Янгъындан къорув ве къуртарыджылар.
102 – Полиция.
103 – Аджеле тиббий ярдым.

Бу номералар автоматик шекильде SIM-картнынъ телефон китабында язылгъан.

Question 42

Волна мобайл абонентининъ шахсий одасында не япмакъ мумкюн?

Answer

Волна мобайлнынъ шахсий одасында абонентлер файдалы малюматны алып, мобиль багъынынъ параметрлерини идаре этмеси мумкюн. Буны Волна мобайлнынъ хызмет ве сатув меркезини зиярет этмейип я да малюмат хызметинен багъланмайып, япмакъ мумкюн.

Шахсий оданынъ имкянлары:

Шахсий малюматларны бакъмакъ ве тюзетмек;
Эсапны тешкермек;
Тариф планыны бакъмакъ ве денъишмелерни корьмек;
Юкленильген ве юкленильмеси мумкюн олгъан хызметлерни корьмек;
Масрафларны контроль этмек;
SIM-карт джоюлса, онынъ блок этилюви.