Къырымда мобиль интернетине насыл багъланмакъ мумкюн
Мобиль интернети – GPRS/EDGE ве UMTS/HSPA/HSPA+ стандартлары боюнджа чалышкъан, мобиль тертибатларында, фаркълы стандартларда (2G, 3G, 4G) малюматнынъ къабул этилюв/ёлланув хызметидир.
Къырым ве Севастополь шеэринде «Волна мобайл» мобиль багъы операторы онъайтлы тарифлер ве тариф опцияларыны теклиф эте. Олар юксек сурьатлы интернетнен кярлы къулланмакъ имкян бере.
«Мобиль интернети» хызмети автоматик шекиль де «Волна мобайл»нынъ бутюн абунеджилерине такъдим этиле. «Волна мобайл» багъында мобиль интернети SIM-карт ачылгъанда чалышмагъа башлай.
Android-те мобиль интернетининъ сазланувы
Android операцион системасында мобиль багъы параметрлеринде интернетке багъланмакъ ичюн «APN багъланув нокътасы» - «Янъы багъланув нокътасыны япмакъ» сечмек керек. Багъланув нокътасы иле пейда олгъан пенджереде невбеттеки малюматны язмакъ керек:
Ады: internet
Багъланув нокътасы (APN): internet
Къулланыджынынъ ады: internet
Пароль: internet
Аутентификациянынъ чешити: PAP (базы тертибатларнынъ моделлери ичюн - CHAP)
Багъланув нокътасынынъ чешити (APN чешити): default
Багъланув нокътасынынъ менюсинде «Багъланув нокътасыны сакъламакъ» ве оны автоматик шекильде сечмек. Бу процедурадан сонъ, кечкен менюда малюматнынъ ёлланылувыны сечмек.
iOS-те мобиль интернетини сазламакъ
iOS операцион системасы иле тертибатларда Интернетни сазламакъ ичюн, «Хюджресель багъы»ны сечмек керек. «Малюматларнынъ параметрлери» болюгинде «Малюматнынъ ёлланылувынынъ хюджресель багъы»на кечмек ве невбеттеки малюматларны язмакъ:
APN: internet
Къулланыджынынъ ады: internet
Пароль: internet
Бу процедурадан сонъ кечкен менюда «Хюджресель малюматлары»ны къошмакъ керек.
Windows Phone мобиль интернетини сазламакъ
Windows Phone операцион системасы иле тертибатларда Интернетни сазламакъ ичюн, малюматларнынъ ёлланылувы параметрлерде «Интернет-багъланув нокътасыны къошмакъ» сечмек керек.
Багъланув нокътасынынъ параметрлери иле ачылгъан пенджеречикте невбеттеки малюматларны язмакъ керек:
Багъланув нокътасы: internet
Къулланыджынынъ ады: internet
Пароль: internet
Бу процедурадан сонъ мезкюр иришим нокътасыны сакъламакъ ве малюматларнынъ ёлланылувыны къошмакъ керек.
Дигер тертибатларда мобиль интернетининъ сазланувы
Дигер тертибатларда Интернетке багъланувны сазламакъ ичюн Интернет профилининъ сазламаларына невбеттеки малюматларны кирсетмек керек:
Профильнинъ ады: internet
Малюматларнынъ каналы: GPRS
Багъланув нокътасы (APN): internet
Къулланыджынынъ ады: internet
Пароль: internet
Операцион системасынынъ версиясы ве тертибатнынъ маркасы/моделине коре, багъланув нокътасы/Интернет профилининъ параметрлери фаркъ эте биле.
Эгер сазламалар кирсетильген ве малюматларнынъ ёлланылувы къошулгъан сонъ, интернет чалышмаса, тертибатынъызны гъайрыдан юклемек керек (сёндюрмек ве къошмакъ). Сазламалар/интернетнинъ стабиль ишинде проблемлер пейда олса, Сизге энъ якъын «Волна мобайл» Хызмет ве сатув меркезине мураджаат этмеге теклиф этемиз.