Хаберлер
Волна сайты артыкъ къырымтатар тилинде чалыша
28.06.2023
Мусульманларнынъ Къурбан байрамына багъышлап, Волна багъ операторы сайтнынъ къырымтатар саифесини ачты.
Ярымаданынъ тамыр халкъынынъ тили – Къырым медениетининъ бир къысмы ве Къырым Джумхуриетининъ девлет тиллеринден биридир. Волна, ерли багъ операторы оларакъ, медений асабалыкъны сакъламакъ ве инкишаф эттирмек тырыша. Эндиден башлап, къырымтатар тилинде лаф эткен инсанлар хызметлер, тарифлер ве операторнынъ теклифлери акъкъында малюматларны алышкъанлары тильде – тувгъан тилинде ала биледжек.
Кирсетильген денъишмеликке Къырым ве Севастополь шеэри Муфтиси къыймет кести:
«Земаневий дюньяда эпимиз эр заман сербест къонушмамыз ичюн, кейфиетли багъда мухтаджмыз. Къырымда озь багъ операторы бар. Волна операторы сайтынынъ къырымтатар тилинде саифесини ачты. Бу бизим ичюн буюк бахттыр! Бу Къырымда къырымтатар тили керчектен де девлет тили олгъаныны тасдыкълай. Энди эр бир къырымтатары ве къырымтатар тилинде лаф эткен инсанлар сайткъа кирип, ана тилинде малюматларнен таныш ола биледжек. Биз Къырым мобиль операторынынъ рехберлигине бу имкян ичюн тешеккюрлер бильдиремиз ве илериде ширкетке инкишаф этмек тилеймиз», - деп къайд этти Муфти.